新一期的 居屋 好快就會進行 抽籤 ，仲有唔夠1個月就會有抽籤結果，對於一眾已入紙申請抽居屋的準買家，心情自然緊張，不過大家唔好唔記得，今期居屋最終有25萬1千份申請，是2014年重售居屋之來第三高，雖然七個屋苑，加埋有8968個單位有得揀，但實際上仍然多達28個人去爭1個單位，中籤的機會仍然相當渺茫。
能夠揀到心儀居屋單位自然值得恭喜，不過其實就算抽唔中都並非「上車無望」，可以選擇以綠表或者白居二資格，係居屋第二市場揀二手居屋，難怪居屋第二市場的成交量已經連升三個月，上個月便有近200宗居二市場成交，二手市場的競爭都相當大。
居屋2022 丨抽居屋新手必讀 申請時間、入息限額、申請資格 一文看清
其實係財爺PLAN的幫助下，只需要50幾萬的首期，就已經可以係私樓市場買新盤單位，加上依家新盤市場相當熱鬧，有唔少市區以至鐵路沿線的新盤可以選擇，大埔白石角Silicon Hill一房入場費550萬，首期只係55萬元，另外大角咀利奧坊﹒壹隅以至將軍澳的海茵莊園，都有單位的首期可以低於50萬元，當然九龍城瓏碧都有唔少選擇，部分發展商仲有提供首兩年免息免供的二按。