【週未好去處– 啟德區】可帶寵物及野餐勝地 │ 兒童遊樂場│親子放電之選

防疫措施放寬，相信大家都已經等左好耐，要出去玩下。今日就由周嘉莉帶大家去一個近期非常熱門的一個新打卡/放電之選: 啟德區。

啟德車站廣場公園

車站廣場公園位於啟德站上蓋，係全港唯一地標性設計嘅車站廣場，全長1200米，呢度有主題花園、健身設備等等康樂設施，面積有3.5公頃咁大。而且呢度仲可以帶寵物入嚟，帶埋寵物喺公園嘅露天廣場同埋大草坪，一齊野餐都得呀。

行遠少少就到咗啟德大道公園啦，位於啟德車站廣場附近，兒童遊樂場絕對係小朋友放電之選呢度呢就有6人韆鞦、繩索橋、滑梯等等。仲有籃球場同埋健身園地。

而且仲有花型燈裝置，夜晚喺度散步別有一番風景。

喺跑道區仲有空中花園同埋跑道公園。啟德空中花園前身就係機場跑道，佔地兩公頃，總共係有三個架空廣場，包括:花園廣場、噴泉廣場同埋草地廣場。設計上融入好多舊機場嘅元素，例如花園嘅兩個數字13同埋31，就係象徵機場跑道兩邊用來識別方向嘅13跑道同埋31跑道嘅標記。

圓景台嘅形狀都係模仿飛機身同埋機翼㗎，行到盡頭我哋就會去到跑道公園草地旁邊呀有一條「啟德歷史軸」，展示啟德機場嘅歷史演變。而且呢度都可以帶寵物入黎，又有大型飛機模型可以比大家打卡，帶埋狗仔嚟影相，一定呃到好多Like呀！