ATMXJ已派晒季度成績表，但主導大市走向嘅新經濟股，普遍繼續橫行，仍然冇明確方向。近排港股好似多咗利好消息，繼破「五窮咒」後，「六絕月」係咪「不絕」？
時富金融優越投資服務部顧問 黎永良 (Peter) 指，6月股市屬於炒股唔炒市格局，消息面主要睇國策，上海解封對於內需、零售、潔淨能源股嚟講係好事，對內房股嚟講，市場普遍認為仍有隱憂，加上息口有機會下調，難免對內房、內銀有影響。
Peter仲話，俄烏戰事引發全球通脹上升，仲影響糧食出產，而通脹數據會左右後市大局，由於恒指同國內板塊、外圍都有相聯性，因此，恒指未來走勢會十分反覆，市場亦會較情緒化。
觀看全文: https://finance.now.com/news/post.php?id=735137
本文摘取自【Now財經台】, 已得受訪者同意轉載。